رووداو - هەولێر
سەرۆکی زانکۆی سەلاحەددین روونکردنەوە لەبارەی دەستپێکردنەوەی دەوامی زانکۆ و خوێندنی قوتابیان دەدات و دەڵێ، دەوامی سەرۆکایەتیی زانکۆ لە 11ی ئایارەوە دەستپێدەکاتەوە، بەڵام دەوامی قوتابیان دەستپێناکاتەوە.
پرۆفیسۆر دکتۆر جەوهەر فەتاح، سەرۆکی زانکۆی سەلاحەددین بە تۆڕی میدیایی رووداوی راگەیاند، سبەی دووشەممە سەرۆکایەتیی زانکۆی سەلاحەددین وەکو تەواوی فەرمانگەکانی دیکەی حکومەت دەست بە دەوامی خۆی دەکاتەوە و دەوامەکەش لە کاژێر 09:00ی بەیانی تاوەکو 01:00ی نیوەڕۆ دەبێت.
لەبارەی دەستپێکردنەوەی دەوامی قوتابیان، سەرۆکی زانکۆی سەلاحەددین ئاماژەی بەوە کرد، دەوامی قوتابیان سبەی دەستپێناکاتەوە، بەڵکو بڕیارە 30ی ئایار دەستپێبکاتەوە، ئەگەر دۆخی تەندروستی گونجاو و لەباربێت.
لە 14ی ئادارەوە دەوامی ناوەندەکانی خوێندن راگیراون، ئەمەش بەهۆی بڵاوبوونەوەی ڤایرۆسی کۆرۆنا و بەمەبەستی کۆنترۆڵکردن و رێگری لە بڵاوبوونەوەی ڤایرۆسەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ