رووداو - هەولێر
ئەندامێكی لیژنەی یاسایی پەرلەمان ئاماژەی بەوە کرد، بە فەرمی فراكسیۆنەكانی یەكگرتوو و كۆمەڵ و نەوەی نوێ لە هەندێک بڕگە و ماددەی ناو پرۆژەیاسای چاكسازی ناڕازین.
رووبار ئەحمەد، ئەندامی لیژنەی یاسایی لە پەرلەمانی كوردستان بە تۆڕی میدیایی رووداوی راگەیاند، "قسە و هەڵوێستی هەندێک پەرلەمانتار لە سۆشیال میدیا لەسەر پرۆژەیاسای چاكسازی تووشی سەرسامییان كردووە. هەندێک پەرلەمانتار لە كۆبوونەوەكاندا شتێك دەڵێن و لە سۆشیال میدیا شتێكی دیكە. لە كۆبوونەوەكان قسەی دڵی خۆیان دەكەن و هەڵوێست وەردەگرن، لە سۆشیال میدیایش بە دڵی خەڵكی قسەدەكەن".
بەپێی بەرنامەی کاری دانیشتنەکە، بڕیارە پرۆژهیاسای "چاكسازی له خانهنشینیی مووچه و دهرماڵه و بهخشین و ئیمتیازاتهكانی تر" بهپێی حوكمی ماددهكانی "87، 88، 89، 92" له پهیڕهوی ناوخۆی پهرلهمانی كوردستان-عێراق خوێندنەوەی دووەمی بۆ بکرێت.
ئەندامەكەی لیژنەی یاسایی باسی لەوەش كرد، "یەكێك لە ناڕەزایەتییەكانیش لەسەر خانەنشینیی پەرلەمانتارانە کە ئەگەر مەرجی تەمەن و خزمەتیش نەبێت، بە لە 40% مووچەكەی خانەنشین دەبێت، داواشمان كردوە كۆبوونەوەی سبەی كە خوێنەوەی دوومی پڕۆژە یاسای چاكسازی تێدا دەكرێت، بەشێوەی راستەوخۆ بێت و پەخش نەبڕدرێت".
مووچەی پەرلەمانتار هەشت ملیۆن و 200 هەزار دینارە. ئەگەر بە لە 40%ی مووچەكەش خانەنشین بكرێن، ئەوا خانەنشینییان دەبێتە سێ ملیۆن و 280 هەزار دینار.
بڕیارە سبەی یەكشەممە 12-01-2020 لە پەرلەمانی كوردستان خوێنەوەی دووم بۆ پرۆژەیاسای چاكسازی بكرێت.
رۆژی 16ی مانگی رابردوو پەرلەمانی کوردستان خوێندنهوهى یهكهمی بۆ پرۆژهیاسای چاكسازی له خانهنشینى، مووچه، دهرماڵه، بهخشین و ئیمتیازاتهكانى دیکە کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ