هەڵەیەک روویدا! دووبارە هەوڵبدە
رووداو دیجیتاڵ
لە مەڵەتیی باکووری کوردستان، دوو کرێکار لە کاتی کارکردندا دوای ئەوەی ئەسکەلەکەیان دەکەوێت، گیان لەدەست دەدەن.
رووداوەکە رۆژی دووشەممە، 11-11-2024، لە شارۆچکەی یەشیلیورت لە مەڵەتیی باکووری کوردستان روویدا. دوو کرێکارەکە لە باڵەخانەیەکی 11 نهۆمیدا کاریان کردووە، بە هۆکارێک کە تا ئێستا نادیارە، ئەسکەلەکە کەوتووە و هەردوو کرێکارەکە کەوتوونەتە خوارەوە.
تیمەکانی تەندروستی گەیشتنە شوێنی رووداوەکە، بەگوێرەی زانیارییەکان موجاهید دولەک(29) و ساڵح جەلایر(30) لە شوێنی رووداوەکە گیانیان لەدەستدا.
تەرمی هەردوو کرێکارەکە لە لایەن تیمەکانەوە رەوانەی دادپزیشکیی پارێزگاکە کرا.
بەگوێرەی راپۆرتی ئەنجوومەنی تەندروستیی کرێکار و سەلامەتیی کاری تورکیا-ئیسیگ، لە سێ مانگی سەرەتای ئەم ساڵدا لە باکووری کوردستان و تورکیادا، 425 کرێکار لەکاتی کارکردندا گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ