رووداو دیجیتاڵ
قایمقامی سەیدسادق رایگەیاند، هاونیشتمانییەکی دانیشتووی سەیدسادق لەکاتی بیرهەڵکەندن کەوتووەتە نێو بیرەکەوە و گیانی لەدەستداوە.
رۆژی پێنجشەممە، 12-1-2023، دیاری رەفیق، قایمقامی سەیدسادق بە تۆڕی میدیایی رووداوی گوت: "ئەو هاونیشتمانییە ناوی عەلی نەجیم مەحموودە و لە دایکبووی 1969یە و خێزاندارە."
بە گوتەی قایمقامی سەیدسادق، پێشەی هاونیشتمانییەکە بیرهەڵکەندنە و ئەمڕۆ لەکاتی کارکردن بۆ بیری ماڵی براکەی، کەوتووەتە نێو بیرەکەوە و گیانی لەدەستداوە.
دیاری رەفیق گوتیشی، ئەو هاونیشتمانییە هەر کە کەوتووەتە نێو بیرەکەوە، گیانی لەدەستداوە و دواتر گەێیندراوەتە نەخۆشخانە و دوای پشکنین، تەرمەکەی رادەستی کەسوکارەکەی کراوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ