رووداو دیجیتاڵ
بەڕێوەبەرایەتیی ناحیەی دێرەلووک هۆشدارییەکی بەپەلەی ئاراستەی هاووڵاتییانی ناوچەکە کردبوو کە گۆمێکی سنوورەکە مەترسیی تەقینی هەیە. بەڕێوەبەری ناحیەکە دەڵێ، دۆخەکە ئاسایی بووەتەوە.
لە راگەیێندراوەکەدا کە ئەمڕۆ بڵاوکراوەتەوە هاتووە، بەهۆی زۆریی بارانبارینەوە مەترسی جیدی لەسەر تەقینی گۆمی دەستکردی "مای" لەسەر رووبای سپنە هەیە و پێویستەی ئەو کەسانەی ماڵ و پڕۆژەکانیان لە نزیك رووبارەکە ئاگاداری خۆیان بن.
رێبەر سادق، بەڕێوەبەری ناحیەی دێرەلووک، ئەمڕۆ یەکشەممە بە تۆڕی میدیایی رووداوی گوت، "درەنگی شەوی رابردوو مەترسی جیدی لەسەر گۆمەکە هەبوو، بەڵام ئەمڕۆ دۆخەکە ئارامە و مەترسی لەسەر نەماوە."
ناحیەی دێرەلووک سەر بە پارێزگای دهۆکە، بەگوێرەی کەشناسیی هەرێمی کوردستان، ئەم وەرزەی بارین لە دهۆک 860.7 ملیمەتر باران باریوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ