وەزیری بازرگانی بۆ رووداو: ئەو پاداشتەی عێراق بۆی ناردین بەپێی رێنوێنییەکان بەسەر فەرمانبەراندا دابەشمان کرد

 

 

کەمال موسلیم: زۆر سوپاس، خۆتان دەزانن ئەم لووتکەیە کە ئەمڕۆ لێرە دەبەسترێت لە زۆربەی وڵاتانی جیهان خەڵکی پسپۆڕ تێیدا بەشدارە، ئەو بابەتانەی تێیدا باس دەکرێن بابەتی جیاجیان، بۆ نموونە لەسەر ژینگەیە، تەکنەلۆژیایە، پیشەسازییە، بازرگانییە، کشتوکاڵە. شاندی حکومەتی هەرێمی کوردستانیش بە سەرۆکایەتیی جەنابی سەرۆکوەزیران بەشدار بووە و ئێمەش چەند وەزیرێک بەشدار بووین. هەریەکە لەو پانێڵە بەشدار دەبێت کە تایبەتمەندە بە وەزارەتەکەی.

 

 

کەمال موسلیم: بەڵێ، ئێمە دەتوانین لە هەموو پانێڵەکاندا بەشدار بین، بەڵام پانێڵی تایبەتمەندیش هەیە، هەریەکە بەو بوارەی خۆی.

 

 

کەمال موسلیم: نەخێر، ئێمە پانێڵیست نینە بچین لەوێ دانیشین، بەڵام لە گفتوگۆیەکاندا بەشداردەبین. بۆ نموونە من وەکو وەزیری بازرگانی و پیشەسازی کاژێر 2:00 پانێڵێک هەیە لەسەر دوارۆژی پیشەسازی و رۆڵی حکومەتەکان لە سوود وەرگرتن و بەکارهێنانی بەهرە و تواناکان لە بواری پیشەسازی و بازرگانیدا.

 

 

کەمال موسلیم: بێگومان ئێمە کە لەو پانێڵە بەشدار دەبین خەڵکی تایبەتمەند و پسپۆڕ لەو بوارە قسەدەکات، وە ئەزموونی خۆیان و ئەزموونی وڵاتەکانیان لە بوای پێشخستنی پیشەسازیدا باسدەکەن. ئێمە بە ئەزموونی ئەوان گوێی لێ دەگرین کە چۆن توانیویانە پیشەسازی لە وڵاتەکەی خۆیاندا پێشبخەن. جگە لەوەش ئەو خەڵکەی کە لێرەن چ ئیماراتی و چ خەڵکی دەرەوەی ئیمارات کە هاتوون؛ دیدارمان لەگەڵیان دەبێت، گفتوگۆمان لەگەڵیان دەبێت بۆ ئەوەی سوود لە توانا و ئەزموونی ئەوان وەربگرین.

 

 

کەمال موسلیم: بۆ من، ئەمە یەکەمجارە بەشدار دەبم لەو بوارە؛ بێگومان لە بۆنەیەکی ئەوها گەورەدا کە خەڵکی تایبەتمەند لەو بوارانە دێن قسەدەکەن و ئەزموونی خۆیان باسدەکەن، بێگومان سوود لە ئەزموونی ئەوان دەبینین بزانین چۆن ئەو بەربەستانەیان تێپەڕاندووە لە پێشخستنی پیشەسازی لە وڵاتەکانی خۆیاندا، بێگومان ئێمە سوودیان لێ دەبینین.

 

 

کەمال موسلیم: ئێمە روونکردنەوەی تەواوماندا، لە پێشدا بەشێک لەو نووسراوەی ئێمە بڵاوکرابووەوە کە هەر تەنها ئەو بەشە بوو کە ئەو پارەیە بەسەر نووسینگەی وەزیر و بریکار و ئەمانە دابەش دەکرێت، باسی ئەوەیان دەکرد ئەو پارەیە بۆ فەرمانبەران هاتووە بۆ بەسەر خۆیان دابەشی دەکەن؛ بەڵام ئێمە روونکردنەوەی تەواومان دا کە ئەو پارەیە چۆن دێت. ئەو پارەیە لە ئەسڵدا کە دەگەڕێتەوە بۆ بەغدا، بەغدا جارێکی دیکە لە سەرتاسەری عێراقەوە، نەک هەر هەرێمی کوردستان، ئەو پارەیە دەگەڕێنێتەوە بۆ کۆمپانیای گشتیی بازرگانیی کەلوپەلی خۆراک، ئەوان بۆ چۆنیەتی خەرجکردنەکە رێوشوێنیان داناوە بۆ گواستنەوە و داگرتن و بارکردنی ئارد و خۆراک تا دەگاتە لای بریکارەکان وە چاککردنەوەی کۆگە و سایلۆکان، جگە لەو دەرماڵەیەی (نەسریە)ی کە دەیدەن بە فەرمانگەکان، ئەو خەرجییانەی هەموو لێدەکرێت ئینجا ئەوەی کە دەمێنێتەوە بەپێی ئەو شێوازە دابەشکردنەی کە لە بەغدا دابەشی دەکەن وەکو پاداشت (موکافەئە) دابەش دەکرێت بەسەر فەرمانبەران. ئینجا، ئەوە هەموو وەزارەت دەگرێتەوە لە نووسینگەی وەزیرەوە تا دەگاتە فەرمانبەرەکانی دیکەش. ئەوەی لەسەر ئێمە بوو، ملیۆنێک دینار بۆ نووسینگە دانراوە، لەوێش باسم کردووە لە شوێنی خۆیدا، ئەو ملیۆن دینارە من هەر ناشیبینم و وەریشی ناگرم؛ لە نووسینەگەکە دەمێنێتەوە بۆ ئەو پێویستییانەی هەیە لە هاوکاریکردنی هاووڵاتییان، لە هاوکاریکردنی فەرمانبەران ئەگەر پێویستیان پێبێت، بۆ دابینکردنی پێویستیی نووسینگە ئەگەر شتێک هەبێت.

 

 

کەمال موسلیم: لە بەغداش بەمشێوەیە.

 

 

کەمال موسلیم: لە بەغدا بە هەمان شێواز دابەش دەکرێت، چونکە ئێمە کاتی خۆی کە ئەو رێککەوتنەمان لەگەڵ بەغدا کرد، هەروەک خۆت دەزانیت ئەو پارەیە چۆن گەڕایەوە سەر بەغدا، دوای ئەوەی سکاڵایان لە حکومەتی هەرێمی کوردستان و وەزارەتی بازرگانی کرد کە ئەو پارەیە ناگەڕێندرێتەوە بۆ بەغدا، چونکە پێشتر هەر لای خۆمان بوو، تەنیا لە گواستنەوەی کەلوپەلی خۆراکی و ئارد خەرج دەکرا.

 

 

کەمال موسلیم: هەر هەموو پارەکە دەگەڕێتەوە بۆ بەغدا. وەکو باسم کرد، بەغدا شێوازی خەرجکردنەکەی لە سەرتاسەری عێراق دیاریکردووە، هەر لای ئێمە وانییە و بەمشێوازە دابەش دەکرێت. ئێمە دەتوانین بڵێین یەک دینار وەکو پاداشت نابەین؛ من خۆم پاداشتم وەرنەگرتووە، بەڵام راستییەکە وایە. دەتوانین نە خۆمان وەریبگرین و نە دینارێکیش بدەینە هیچ فەرمانبەرێک؛ بەڵام ئەو پارەیەی کە نایدەیت بە فەرمانبەر وەکو پاداشت، لە بەغدا دەمێنێتەوە و ئەوان خەرجی دەکەن و وەکو پاداشت دەیدەنە فەرمانبەرەکانی خۆیان؛ چونکە ئەو پارەیە کە دێت، چۆنییەتی خەرجکردنەکەی لەلایەن وەزارەتی بازرگانیی فیدراڵەوە پشکنینی بۆ دەکرێت ئینجا جارێکی دیکە خەرج دەکرێتەوە.

 

 

کەمال موسلیم: ئەو فەرمانبەرانەی کە سەر بە بەشی بازرگانییەکەن، واتا بۆ نموونە بەڕێوەبەرایەتیی گشتیی پیشەسازی وەریناگرێت چونکە وەکو باسمکرد بۆ بازرگانییە، زرۆترینیشی کێ وەریدەرگرێت؛ بەڕێوەبەرایەتیی دابەشکردنی خۆراک.

 

 

کەمال موسلیم: ئێمە ئەو داوایەی کە لەسەرمان بوو ، دادگەی فیدراڵی رەتیکردەوە چونکە بە پسپۆریی خۆیانیان نەزانی بەڵام ئێمە بۆ کۆتاییهێنان بەو کێشەیە داوامان لە وەزارەتی بازرگانی کردووە بێن پاکتاوی (موحاسەی) ئەو پارەیە بکەن لە نێوان 2004ـەوە وەرگیراوە تا ئەو رۆژەی دراوەتەوە بەغدا، ئەو پارەیە چەندە بێن لێرە لەگەڵ حکومەتی هەرێمی کوردستان و لەگەڵ وەزارەتی بازرگانی پاکتاو بکەن بەوەی کە پارەکە لە پێشوودا چۆن خەرجکراوە و لە چی خەرجکراوە. خۆت دەزانی ئەو پارەیە دەبێت لەو کارانە خەرجبکرێتەوە کە بۆ وەزارەتی بازرگانییە ئینجا ئەگەر کەمبوو یان زیادبوو ئەوکاتە دەبێت رێوشوێن بگیرێتە بەر.

 

 

کەمال موسلیم: بۆ نموونە ئەو پارەیە لە چی سەرفدەکرێت، وەکو باسمکرد لە گواستنەوەی کەلوپەلی خۆراکی و ئارد تا دەگاتە بریکارەکان لە چاککردنەوەی سایلۆ و کۆگەکان، لە دابینکردنی پێداویستییەکانی ئەو فەرمانگانەی کە هاوتای فەرمانگەکانی بەغدایە و لە پاداشتی فەرمانبەرەکان چونکە ئەو پاداشتە لەوێش بەو شێوەیە دابەشدەکرێت. هەموو ئەو پارانە پاکتاو دەکرێت چەند لەو شتانە خەرجکراوە ئەگەر زیادبێت دەبێت بیدەینەوە کەمبێت دەبێت وەریبگرینەوە.

 

 

کەمال موسلیم: بێگومان دەبێت حکومەتی هەرێمی کوردستان بیداتەوە.