هەڵەیەک روویدا! دووبارە هەوڵبدە
خاوەنی پرۆژە گەشتیارییەکان قەرەبوو دەکرێنەوە
رووداو - سۆران
رێوشوێنەکان بۆ خۆپارێزی لە ڤایرۆسی کۆرۆنا بوونەتە هۆی داخستنی شوێنە گەشتیارییەکان و کەمبوونەوەی گەشتیاران لەهەندێک ناوچەش. خاوەنی پرۆژەکان نیگەرانی ئەوەن کە ئەم دۆخە زیانی پێگەیاندوون.
بۆ كهم بوونهوهی قهرهباڵخی و پاراستنی گیانی هاونیشتمانییان، حكومهتی ههرێمی كوردستان بڕیاری داخستنی ناوچه گهشتیارییهكان و هاوینهههوارهكانی دا. ناوچهكان پێیهوه پابهندن، داخستنی ناوچهكان زیان به خاوهنی پرۆژهكان دهگهیهنێت، بهڵام له بهرامبهردا حكومهت بڕیاره قهرهبوویان بكاتهوه.
شاخهوان حاجی، سهرپهرشتیاری پرۆژهی شنگلبانهیە و دەڵێت، "بێگومان زیانی بۆ ئێمه دهبێت، بهڵام بڕیارهكه لهپێناو تهندروستیی ههموو خهڵكه و پێیهوه پابهند دهبین و هاوكاریش دهبین، بۆ ئهوهی ئێمه هۆكارێكی تهشهنهكردنی ڤایرۆسهكه نهبین".
دهۆك لهم وهرزهدا دهیان كۆمپانیا له خوارووو ناوهڕاستی عێراقەوە گهشتیاریان بۆ دەهێنا، بڕیاری داخستنی شوێنە گەشتیارییەکانی دا و نایانهوێت تووشبووی ڤایرۆسهكهی تێدا رابهگهیێنرێت.
هاوینەهەواری دووکان له پارێزگای سلێمانی و تهواوی ئهو ناوچهنهی هۆكاری دروستبوونی قهرهباڵخین، داخراون و دژهڤایرۆس بە شاردا دهڕشێنرێت.
سیراون سهرحهد، قایمقامی قهزای دووكان بە تۆڕی میدیایی رووداوی راگەیاند، "ههموو ئهو ناوچه و شوێنانهی له سنوورهكهماندا دهبنه مایهی دروستبوونی قهرهباڵخی، داخراوون و ههموو خهڵكیش پێكهوه هاوكارمانن تاوەکو بتوانین به سهلامهتی لهو ڤایرۆسه دهربازمان ببێت".
داخرانی ناوچه گهشتیاریهكان جووڵهی له رێگەوبانهكان بڕیوه، تهواوی كارمهندانی كهرتی گهشتیاری به 50%ی مووچه و ههشیانه بهبێ پێدانی مووچهی مانگانه نێردراونهتهوه ماڵهوه، حكهومهت له هەوڵلی قهرهبووكردنهوهی ناوچه گهشتیاریهكاندایه.
بارزان محهممهد، بەڕێوەبەری گهشتوگوزاری سۆران ئاماژە بەوە دەکات، "وهزارهتی شارهوانی و گهشتوگوزار لهڕێگهی دهستهی گهشتوگوزارهوه سهرقاڵی رێکارێکە بۆ قهرهبووكردنهوهی ههموو ئهو ناوچانهی كه بههۆی بڕیارهكهوه زیانیان بهردهكهوێت؛ رهنگه باجیان لهسهر سووك بكرێت".
له ههرێمی كوردستان 170 ناوچهی گهشتیاری و 20 هاوینهههواره ههن. پار له نهورۆزدا 234 ههزار گهشتیار سهردانی ناوچه گهشتیاریهكانیان كردووە، لهڕێگهی ئهوانهوه زیاتر له 729 ههزار دۆلار كهوتووەته بازارهكانی باشووری كوردستان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ