بەبڕیاری وەزارەتی ناوخۆ هاتووچۆکردن لەناو شاری هەولێر و سلێمانی قەدەخەکرا

لە راگەیێندراوەکەی وەزارەتی ناوخۆدا هاتووە، ئەو عێراقی و بیانییانەی لە بەلجیکا، هەنگاریا، کرواتیا، قوبرس، دانیمارک، ئەستۆنیا، ئەڵمانیا، فەرەنسا، یۆنان، ئەلبانیا، لیتوانیا، لۆکسەمبۆرگ، مالتا، هۆڵەندا، چیک، پۆڵەندا، پرتوگال، رۆمانیا، سلۆڤاکیا، سلۆڤینیا، فنلاند، ئیسپانیا، سوێد، بۆسنیا و هەرزەگۆڤینا، بەریتانیا، ئێرلەندا، سکۆتلەندا، نەرویج، سربیا، مۆنتێنیگرۆ، بولگاریا، نەمسا و سویسراوە دێنە هەرێمی کوردستان، ئەگەر 30 رۆژ پێش گەشتنیان لەو وڵاتانە بووبن، ئەوا دوای پشکنینی سەرەتایی، پێویستە کەرەنتین بکرێن. 

 

راگەیێندراوەکەی وەزارەتی ناوخۆ لەبارەی کەرەنتینەکردنی ئەوانەی دێنە هەرێمی کوردستان لەو وڵاتانەی ئاماژەی پێکرا دەڵێت، دیپلۆماتکار و شاندە فەرمییە بیانییەکان ناگرێتەوە و لە دەروازە سنوورییەکان بە رێزەوە پێشوازییان لێدەکرێت و پشکنینیان بۆ دەکرێت، بەڵام پێویستە بڕوانامەی تەندروستییان هەبێت. 

 

لەبارەی جەژنی نەورۆز، وەزارەتی ناوخۆ داوا لەو هاونیشتمانییانە دەکات کە نیشتەجێی وڵاتانی ئەوروپان نەگەڕێنەوە هەرێمی کوردستان.