کۆبوونەوەی سەرۆک مەسعود بارزانی لەگەڵ محەممەد شیاع سوودانی، سەرۆکوەزیرانی عێراق
رووداو دیجیتاڵ
سەرۆک مەسعود بارزانی لەگەڵ سەرۆکوەزیرانی عێراق کۆبووەوە و جەختیشیان لە چارەسەركردنی گرفتەكان لەسەر بنەمای دەستوور كردەوە.
رۆژی سێشەممە 14ی ئاداری 2023، لە پیرمام سەرۆک مەسعود بارزانی لەگەڵ محەممەد شیاع سوودانی، سەرۆکوەزیرانی عێراق و شاندی یاوەری کۆبووەوە.
بەگوێرەی راگەیێندراوی بارەگای بارزانی، سەرۆک بارزانی نیوەڕۆخوانێکی بۆ محەممەد شیاع سوودانی رێکخستووە.
سەرۆک بارزانی و محەممەد شیاع سوودانی بیروڕایان لەبارەی بارودۆخی سیاسیی عێراق و هەنگاوەكانی حكومەتی عێراق و جێبەجێكردنی رێككەوتننامەكان ئاڵوگۆڕ كرد و جەختیشیان لە چارەسەركردنی گرفتەكان لەسەر بنەمای دەستوور كردەوە.
وێنەی کۆبوونەوەی سەرۆک بارزانی لەگەڵ محەممەد شیاع سوودانی، سەرۆکوەزیرانی عێراق لە پیرمام. pic.twitter.com/NF8H3UsAz5
— Rudaw (@Rudawkurdish) March 14, 2023
وەک لە راگەیێندراوەکەدا هاتووە، سەرۆک بارزانی پاڵپشتیی خۆی بۆ حكومەتی عێراق دووپات كردەوە و هیواشی خواست ئیرادەی هەموو لایەنە سیاسییەكان بە ئاراستەی چارەسەركردنی كێشەكان و سەقامگیری بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ