هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری بنکەی پۆلیسی لەیلان بە رووداوی راگەیاند، تەرمی ئەو سەربازەی سوپای عێراقیان دۆزیوەتەوە کە شەوی چوارشەممە لافاو بردبووی.
ئەو سەربازە لەگەڵ ئەفسەرێک و سەربازێکی دیکە لە ناوچەی تەرجیل لافاو بردبوونی، بەڵام ئەو دووانەی دیکەیان دوای چەند خولەکێک توانیبوویان خۆیان رزگار بکەن.
شەوی چوارشەممە لەسەر پێنجشەممە لە چەند ناوچەیەکی باشووری کوردستان بارانێکی زۆر باری و بووە هۆی دروستبوونی لافاو کە لە بەشێکیاندا زیانی لێکەوتەوە.
ئەو سەربازەی گیانی لەدەستداوە خەڵکی پارێزگای دیوانیەیە و تەمەنی 26 ساڵە. رۆژی پێنجشەممە ئۆتۆمبێلەکەی و بەرەبەیانیی ئەمڕۆش تەرمی خۆی دۆزرایەوە.
عەمید سەڵاح ئەحمەد، بەڕێوەبەری پۆلیسی لەیلان دەڵێت، تەرمەکە بۆ ئەنجامدانی رێکاری پزیشکی رەوانەی بەشی دادپزیشکی نەخۆشخانەی شاری پزیشکی لە بەغدا کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ