کوردستان
بەڕێوەبەری كەشناسی و بوومەلەرزەزانی هەرێمی كوردستان: بوومەلەرزەکە هیچ زیانێکی نەبووە، وێنە؛ بڵند تاهیر - رووداو
رووداو - هەولێر
بەڕێوەبەری كەشناسی و بوومەلەرزەزانی هەرێمی كوردستان راگەیاند، بوومەلەرزەیەك لە رۆژئاوای پارێزگای هەولێر روویدا و بەپێی پێوەری رێختەریش گوڕەكەی 4.9 پلە بووە.
فازڵ ئیبراهیم، بەڕێوەبەری گشتیی كەشناسی و بوومەلەرزەزانی هەرێمی كوردستان بە تۆڕی میدیایی رووداوی راگەیاند، لە كاژێر 10:14 خولەكی ئەمڕۆ دووشەممە (16-03-2020) "لە رۆژئاوای پارێزگای هەولێر و بەدیاریكراوی لە باشووری شارۆچكەی حەمدانەیەی نێوان پارێزگای هەولێر و نەینەوا، بوومەلەرزەیەك روویداوە و هیچ زیانێكی نەبووە".
بەڕێوەبەری گشتیی كەشناسی و بوومەلەرزەزانی هەرێمی كوردستان، باسی لەوەش كرد، "هەرچەندە گوڕی بوومەلەرزەكە زۆربووە، بەڵام لەبەر قوڵییەكەی كە 30 كلیۆمەتر لە قۆڵی زەویدا بووە هیچ زیانێكی نەبووە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ