رووداو دیجیتاڵ
نەخۆشخانەی قەڵا لە کەلار کە تایبەتە بە کۆرۆنا و لەکاتی بڵاوبوونەوەی ڤایرۆسی کۆرۆناوە دروستکراوە، دوو رۆژە هیچ نەخۆشێکی تێدا نەماوە.
دکتۆر حارس محەممەد، بەڕێوەبەری نەخۆشخانەی گشتیی کەلار بە تۆڕی میدیایی رووداوی گوت، "لەکاتی هاتنی کۆرۆناوە تاوەکو ئێستا سێ هەزار و 700 نەخۆش هێنراونەتە نەخۆشخانەکەمان و چارەسەریان وەرگرتووە."
بەڕێوەبەری نەخۆشخانەی گشتیی کەلار گوتیشی، "350 نەخۆش، دوو پزیشک و کارمەندێک گیانیانلەدەستداوە."
دکتۆر حارس ئاماژەی بەوەش کرد، لە ئێستادا نەخۆشخانەکە چۆڵ بووە، بەڵام کۆرۆنا کۆتایی نەهاتووە. دەشڵێت، "بیرمان لەوە کردووەتەوە کە نەخۆشخانەکە بکەینە قاوشی نەخۆشی هەناوی."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ