رووداو-هەولێر
نەریمان عوسمان باوکی سێ منداڵ کە لە رووداوی هێرشەکەی ئەمڕۆی هەولێر کوژراوە، بۆ کاری تایبەت لە جوندیانەوە هاتووەتە هەولێر و لەو رێستۆرانتە نانی خواردووە.
سەرچاوەیەک لە بنەماڵەی ئازاد جوندیانی بە تۆڕی میدیایی رووداوی راگەیاند: "یەکێک لە کوژراوەکانی رووداوەکەی ئەمڕۆی هەولێر نەریمان عوسمان محەممەد عەلییە، کە ئامۆزای ئازاد جوندیانیە. سێ منداڵی هەیە و لە گوندی بێشووکی جوندیان دادەنیشێت".
بەگوتەی ئەو سەرچاوەیە، "نەریمان عوسمان بۆ کارێکی تایبەتی خۆی هاتووەتە هەولێر و ئەمڕۆ دیارە لەو رێستۆرانتە نانی خواردەوە کە بەهۆیەوە کەوتووەتەبەر رووداوی تەقەکردنەکە و گیانی لەدەستداوە".
دوای ئەوەی تەرمەکەی لە پزیشکی دادی هەولێر رادەستی کەسوکارەکەی کرایەوە، لە مزگەوتی ئەبوبەکر سدیقی هەولێرەوە بەرەو جوندیان بەڕێکرا بۆ ئەوەی لەوێ بەخاکبسپێردرێت.
یەکێک لە دوایین پۆستەکانی دروود بووە بۆ پێغەمبەر (د خ)
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ