رووداو - گەرمیان
مێرمنداڵێک لە سنووری گەرمیان دوای ئەوەی مۆبایلی پێدا دەتەقێت، بەشێکی زۆری جەستەی دەسووتێت و بەهۆی سەختیی برینەکەیەوە گیانی لەدەستدا.
شەوی رابردوو مێرمنداڵێک بەناوی وسام عەلی محەممەد، تەمەن 16 ساڵ، کە دانیشتووی گوندی عیسایی سنووری باوەنووری گەرمیانە دوای ئەوەی مۆبایل پێیدا دەتەقێت و بەشێکی زۆری جەستەی دەسووتێت.
دوای رووداوەکە، بە گوتەی جهانگیر محەممەدی ئامۆزای، وسام بۆ وەرگرتنی چارەسەر رەوانەی شاری سلێمانی کراوە، بەڵام بەهۆی سەختیی برینەکەیەوە و کەمێک پێش ئێستا (کاژێر 12:00) لە نەخۆشخانەیەکی سلێمانی گیانی لەدەستدا.
جهانگیر محەممەد، ئامۆزای ئەو مێرمنداڵە بە رووداوی راگەیاند، "مۆبایلەکەی جۆری ئایفۆنە و لەژێر سەریدا بووە، کاژێر 02:00ی شەو لەکاتی خەودا پێیدا تەقییەوە و جەستەی سووتاندووە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ