رووداو دیجیتاڵ
لە پارێزگای کیلیس ـی باکووری کوردستان لەسەر کێشەی زەوی کەسێک تەقە لە دوو برای دەکات، لە ئەنجامدا یەکێکیان دەکوژرێت و ئەوی دیکەشیان بریندار دەبێت.
رووداوەکە شەوی چوارشەممە، 20ـی تشرینی دووەمی 2024، لە گوندی حەیدەرانی سەربە شارۆچکەی موسابەیلی پارێزگای کلیس روویدا.
کەسێكی تەمەن 48 ساڵ بە ناوی (ر. ئا.) بە دەمانچە تەقەی لە دوو براکەی کرد بە ناوەکانی فاتح پۆڵات و مستەفا پۆڵات کە لە نێو ئۆتۆمبیلەکەی خۆیان بوون.
لە رووداوەکەدا فاتح پۆڵات ـی تەمەن 34 ساڵ لە شوێنی رووداوەکە گیانی لەدەست دا و مستەفا پۆڵات ـی تەمەن 38 ساڵ بە سەختی بریندار بوو.
دوای رووداوەکە تیمەکانی پۆلیس و جەندرمە رەوانەی شوێنی رووداوەکە کران.
مستەفا پۆڵات لەلایەن تیمەکانی تەندروستی گوێزرایەوە بۆ نەخۆشخانەی دەوڵەت و تەرمی فاتح پۆڵات بەمەبەستی پشکنین بۆ دادپزیشكیی هەمان نەخۆشخانە گوێزرایەوە.
تەقەکەرەکە هەڵاتووە و لێکۆڵینەوە لە رووداوەکە بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ