رووداو - هەولێر
وەزارەتی پەروەردەی حکومەتی هەرێمی کوردستان ئەنجامی تاقیکردنەوەی پۆلەکۆتاییەکانی راگەیاند.
ئەمشەو (یەکشەممە 23-6-2019) وەزارەتی پەروەردەی حکومەتی هەرێمی کوردستان ئەنجامی پۆلەکۆتاکان (پۆلی 12ی ئامادەیی و پۆلی 9ی بنەڕەتی و پیشەیی)ی بۆ ساڵی 2018-2019 راگەیاند.
پشتیوان سادق، وەزیری پەروەردەی هەرێمی کوردستان لە کۆنفرانسێکی رۆژنامەڤانیدا پیرۆزبایی لە خوێندکارەکان کرد و هیوای سەرکەوتنی بۆ خواستن و رایگەیاند: "لە خولی یەکەم سێ هەزار قوتابی نمرەی 90 تاوەکو 100یان هێناوە، ئەو قوتابیانەش لە کەسانی هەژار و کەمدەرامەتن".
وەزیری پەروەردەی هەرێمی کوردستان راشیدەگەیێنێت: " رێژەی دەرچوونی خولی یەکەم 48% بووە".
ئەنجامی تاقیکردنەوەی پۆلی 12ی ئامادەیی (زانستی و وێژەیی)
ئەنجامی تاقیکردنەوەی پۆلی 9ی بنەڕەتی
بەپێی ئامارەكانی بەڕێوەبەرایەتی گشتیی ئەزموونەكانی سەر بە وەزارەتی پەروەردەی حكومەتی هەرێمی كوردستان، بۆ ئەم ساڵی خوێندنی 2018-2019 بەگشتی 234 هەزار و 332 قوتابی پۆلی 12ی ئامادەیی و پۆلی 9ـی بنەڕەتی و پیشەیی بەشدارییان لە تاقیكردنەوەكان كردووە.
لەو ژمارەیە 112 هەزار و 585 قوتابی پۆلی 12ـی ئامادەیین، 118 هەزار و 383 قوتابیان پۆلی 9ـی بنەڕەتی و سێ هەزار و 364 قوتابیان پیشەیین، كە بەسەر چوار هەزار و 101 هۆڵی تاقیكردنەوە دابەشكرابوون و 27 هەزار مامۆستاش چاودێری پڕۆسەی تاقیكردنەوەكانیان كرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ