هەڵەیەک روویدا! دووبارە هەوڵبدە
رووداو دیجیتاڵ
سێیەم رۆژی جەژنی رەمەزان لەپێناو رزگارکردنی کچەکەی لە خنکان، گەشتیارێکی عەرەب بە ناوی عەبدولڕەزاق عەبدولقار خۆی خستە رووباری چۆمان لە قوبەی گەڵاڵە بەڵام خۆی و کچە 11 ساڵانەکەی بە ناوی دینە خنکان.
گەشتیارەکە تەمەنی 38 ساڵ بوو و لە پێناو رزگارکردنی کچەکەی خۆی خستە نێو رووبارەکە. هەر ئەوکات تەرمی کچەکەی دۆزرایەوە و دوای 22 رۆژ گەڕان ئەمڕۆ پێنجشەممە 26/5/2022 تەرمی باوکەکەش دۆزرایەوە.
بەیار باڵەکی، گوتەبێژی پۆلیسی بەرگریی شارستانیی سۆران بە تۆڕی میدیایی رووداوی راگەیاند: ماوەی 22 رۆژ پۆلیس و ژمارەیەک لە خەڵکی ناوچەکە بە دوای گەشتیارەکەوە بوون، بەڵام لێڵی و خێرایی ئاوی رووبارەکە پرۆسەی دۆزینەوەی دواخست و ئەمڕۆ بە دووری تەنها کیلۆمەترێک لەو شوێنەی کەوتبووە رووبار تەرمەکەی دۆزرایەوە.
ئەو ماڵە باوک و دایکێک و چوار منداڵ بوون، لە سەوزاییەکی قەراخ رووباری چۆمان دانیشتبوون و دوای چەند کاژێرێک ئەو رووداوەیان بەسەر هاتووە. پێشمەرگەیەک رووداوەکەی بینیوە و دەڵێت، "زۆر سوێمان بووەوە بۆیان، وەک خەڵکی باڵەکایەتی ناوەستین تا تەرمی باوکەکەش دەدۆزینەوە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ