هەڵەیەک روویدا! دووبارە هەوڵبدە
پاسەکە لەدوای سووتانی.
رووداو دیجیتاڵ
گوتەبێژی بەرگریی شارستانیی هەولێر دەڵێ، پاسێک لە رێگەی هەولێر-پیرمام گڕی گرت و هیچ زیانێکی گیانی نەبوو. بەڕێوەبەری بەرگریی شارستانیی ئاکرێش گوتی: "ئۆتۆمبێلێکی بچووک گڕی گرت."
رۆژی شەممە، 27ـی ئەیلوولی 2025، موقەدەم شاخەوان سەعید، گوتەبێژی بەرگریی شارستانیی هەولێر بە تۆڕی میدیایی رووداوی راگەیاند: "پاسەکە تەنیا شۆفێری تێدابووە و لە کاتی لێخوڕینیدا گڕی گرتووە. تیمێکمان زوو چووە شوێنی رووداوەکە و ئاگرەکەی کۆنترۆڵکرد."
رووداوەکە کاژێر 10:13ـی خولەکی ئەمشەو بووە. موقەدەم شاخەوان سەعید گوتی: "رووداوەکە هیچ زیانێکی گیانی نەبووە. پاسەکە سووتاوە و شۆفێرەکەش سەلامەتە."
بە گوتەی گوتەبێژی بەرگریی شارستانیی هەولێر، لێکۆڵینەوە لە رووداوەکە دەستیپێکردووە.
هاوکات عەقید ئیبراهیم فەریق، بەڕێوەبەری بەرگریی شارستانیی ئاکرێ بە رووداوی گوت: "کاژێر 02:30ـی دوای نیوەڕۆی ئەمڕۆ لە شاری ئاکرێ ئۆتۆمبێلێکی جۆری هۆندا سەنتافی گڕی گرت."
بەڕێوەبەری بەرگریی شارستانیی شارەکە دەڵێت: "تیمەکانمان چوونە شوێنی رووداوەکە. تەنیا نیوەی ئۆتۆمبێلەکە سووتا."
لەبارەی هۆکاری ئاگرەکەوە، عەقید ئیبراهیم فەریق باسی لەوەکرد، بەهۆی کێشەی کارەبایی بووە لە ئۆتۆمبێلەکەدا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ