رووداو دیجیتاڵ
بەرەبەیانی ئەمڕۆ دوو درۆن لە سنووری پارێزگای هەولێر کەوتنەخوارەوە.
یەکێک لە درۆنەکان لەنێو زەوییەکی کشتوکاڵیی سنووری کەورەسۆر و ئەوی دیکە لە ناحیەی رزگاریی قەزای خەبات کەوتووەتە خوارەوە.
دژەتیرۆری کوردستانیش دەڵێت، کاژێر 05:50 خولەک درۆنێکی بۆمبڕێژکراو لە ناحیەی رزگاریی سەر بە قەزای خەباتی پارێزگای هەولێر کەوتەخوارەوە، خۆشبەختانە هیچ زیانێکی گیانیی لێ نەکەوتەوە.
هاونیشتمانییان ڤیدیۆی کەوتنەخوارەوەی درۆنەکانیان بۆ رووداو ناردووە و دەڵێن، هیچ زیانێکی گیانی نەبووە.
بەرەبەیانی ئەمڕۆ درۆنێک لەنێو زەویی کشتوکاڵیی گوندی کەورەسۆری سەر بە پارێزگای هەولێر کەوتووەتە خوارەوە
هاونیشتمانییەک ڤیدیۆکەی بۆ رووداو ناردووە pic.twitter.com/mxqEObLVkF— Rudaw (@Rudawkurdish) July 28, 2025
بەگوێرەی ئەو ڤیدیۆیەی بۆ تۆڕی میدیایی رووداو نێردراون، درۆنەکەی ناحیەی رزگاری لەسەربانێک کەوتووەتە خوارەوە. هاونیشتمانییەک بە ناوی نەواس هەرکی بە رووداوی گوت، درۆنەکە خۆی بە کافتریایەکدا کێشاوە.
بە ڤیدیۆ.. درۆنێکی دیکە لە ناحیەی رزگاریی سنووری قەزای خەبات کەوتووەتە خوارەوە و تێکشکاوە
هاونیشتمانییەک ڤیدیۆکەی بەتایبەت بۆ رووداو ناردووە: درۆنەکە خۆی لە کافتریایەک داوە pic.twitter.com/nW4YhoKNq9— Rudaw (@Rudawkurdish) July 28, 2025
تاوەکو ئێستا روون نەبووەتەوە کە درۆنەکان سەر بە چ لایەنێکن و لە کوێوە ئاراستەکراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ