رووداو دیجیتاڵ
گوتەبێژی بەڕێوەبەرایەتیی گەشتوگوزاری سلێمانی دەڵێت، تاوەكو ئێستا نزیكەی 25 هەزار گەشتیار بۆ سەری ساڵ روویان لە سنووری پارێزگای سلێمانی كردووە؛ گوتیشی: "هاتنی گەشتیاران بەردەوامە و پێشبینی دەكەین ژمارەكە بگاتە دوو هێندە."
ئارام شوانی، گوتەبێژی دەستەی گەشتوگوزاری سلێمانی ئەمڕۆ چوارشەممە 28-12-2022 بە تۆڕی میدیایی رووداوی راگەیاند، بەپێی ئەو ئامارانەی لە بازگەكانەوە دەستیان كەوتووە، تاوەكو ئێستا بۆ سەری ساڵ نزیكەی 25 هەزار گەشتیار چوونەتە سنووری سلێمانی.
وەک ئارام شوانی دەڵێت: "پێشبینی دەكەین ئەو ژمارەیە بگاتە دوو هێندە، واتە 50 هەزار گەشتیار، چونكە تاوەكو ئێستا هاتنی گەشتیار بەردەوامە."
گوتەبێژی دەستەی گەشتوگوزاری سلێمانی ئەوەشی خستەڕوو، بەشی هەرە زۆری ئەو گەشتیارانە لە نێوەڕاست و خواری عێراق و بەشێكی كەمیشیان لە ئێران و وڵاتانی دیكەوە چوون.
لە بۆنەی سەری ساڵی رابردوودا نزیكەی 30 هەزار گەشتیار چووبوونە سنووری پارێزگای سلێمانی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ