هەڵەیەک روویدا! دووبارە هەوڵبدە
رووداو دیجیتاڵ
قایمقامی شەقڵاوە لەبارەی دۆخی بارانبارین و ئاستەنگی هاتووچۆوە بە رووداوی گوت: لەڕێگەی نێوان هەریر - شەقڵاوە ئاستەنگی زۆر دروست بووە، تونێلەکانی ماوەران و میراوە هاتووچۆ تێیاندا وەستاوە.
دوێنێ و ئەمڕۆ لە سنووری شەقڵاوە بەفر دەبارێت، سوارە ئەکرەم، قایمقامی شەقڵاوە رۆژی دووشەممە، 29-12-2025 قسەی بۆ رووداو کرد و هۆشداریی لە رێگە سەرەکییەکانی سنووری قەزاکەی دا.
بە گوتەی قایمقامی شەقڵاوە: رێگە خلیسک بووە، شۆفێران زنجیریان لە ئۆتۆمبێلەکانیان بەستووە ئەمانە بوونەتە هۆی دروستبوونی ئاستەنگی هاتووچۆ. هەروەها دەشڵێت: رێگەی نێوان هەریر - شەقڵاوە، تونێلەکانی ماوەران و میراوە ئاستەنگی هاتووچۆ بەجۆرێکە رێگەکە داخراوە.
قایمقامی شەقڵاوە راشیگەیاند: تاوەکو سبەی سێشەممە واباشە هیچ شۆفێرێک روونەکاتە رێگاکە و تیمەکانی بەرگری شارستانی رێگاوبان و لایەنەکانی دیکەی پەیوەندیدار سەرقاڵی باشکردنی رێگاو نەهێشتنی ئەم ترافیکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ