رووداو دیجیتاڵ
ئەنجوومەنی وەزیرانی هەرێمی کوردستان کۆدەبێتەوە و سێ بڕگە تاوتوێ دەکەن؛ یەکێکیان تایبەتە بە مووچەی مانگەکانی 6 و 7ی مووچەخۆرانی هەرێمی کوردستان.
حکومەتی هەرێمی کوردستان رایگەیاند، ئەمڕۆ چوارشەممە 30ی تەممووزی 2025 ئەنجوومەنی وەزیران بە سەرپەرشتیی مەسرور بارزانی، سەرۆکی حکومەت و ئامادەبوونی قوباد تاڵەبانی، جێگری سەرۆکی حکومەت كۆدەبێتەوە و سێ بڕگە تاوتوێ دەكات.
بەپێی راگەیێندراوی حکومەت، لە بڕگەی یەكەمدا بەدواداچوون بۆ دوا هەنگاوەکانی خەرجکردنی مووچەی هەردوو مانگی حوزەیران و تەممووزی 2025 دەکرێت.
لە بڕگەی دووەمدا بابەتی دەستپێکردنەوەی هەناردەکردنی نەوتی هەرێمی کوردستان، لەبەر رۆشنایی دوا بڕیاری هاوبەشی حکومەتی هەرێمی کوردستان و ئەنجوومەنی وەزیرانی حکومەتی فیدراڵ تاوتوێ دەکرێت، ئەمەش هەر بەپێی راگەیێندراوی حکومەت.
لە بڕگەی سێیەمدا، ئەنجوومەنی وەزیرانی هەرێمی کوردستان چەند پێشنیارێکی وەزارەتی پێشمەرگە سەبارەت بە خزمەت و خانەنشینیی هێزەکانی پێشمەرگە، مووچە و شایستە داراییەکانیان گفتوگۆ دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ