هەڵەیەک روویدا! دووبارە هەوڵبدە
رووداو دیجیتاڵ
بەیانیی ئەمڕۆ شەممە ئیسرائیل چەند هێرشێکی ئاسمانیی کردە سەر باشووری لوبنان و بەگوێرەی وەزارەتی تەندروستیی ئەو وڵاتە، لانیکەم کەسێک کوژراوە و 7 کەسی دیکەش بریندار بوون. سەرۆکی لوبنان هێرشەکە بە "قێزەوەن" ناودەبات، لە کاتێکدا سوپای ئیسرائیل دەڵێت، ئامانجەکانی حیزبوڵڵایان پێکاوە.
بەرەبەیانیی ئەمڕۆ شەممە 11-10-2025 ئیسرائیل چەند ناوچەیەکی لە باشووری لوبنان کردە ئامانج.
جۆزێف عۆن، سەرۆکی لوبنان، رۆژی شەممە سەرکۆنەی هێرشەکانی ئیسرائیلی کرد و رایگەیاند، "جارێکی دیکە، باشووری لوبنان بووە ئامانجی دەستدرێژییەکی قێزەونی ئیسرائیل بۆ سەر دامەزراوە سڤیلەکان، بێ هیچ پاساو و بیانوویەک."
سەرۆکی لوبنان گوتیشی، "مەترسیی ئەم هێرشە نوێیە لەوەدایە کە دوای رێککەوتنی ئاگربەستی غەززە دێت."
هێرشە ئاسمانییەکان دەوروبەری شارۆچکەکانی (تبنا) و (موسەیلیح)ـیان لە باشووری لوبنان کردە ئامانج.
سوپای ئیسرائیلیش بڵاویکردەوە، ئامانجەکانی حیزبوڵڵایان لە باشووری لوبنان پێکاوە و تۆمەتباری کردوون بە بەکارهێنانی ئامێری ئەندازیاری بۆ نۆژەنکردنەوەی ژێرخانەکەیان.
سوپای ئیسرائیل دەڵێت، "حیزبوڵڵا بەردەوامە لە هەوڵەکانی بۆ دروستکردنەوەی ژێرخانەکەی لە سەرانسەری لوبنان و دانیشتووانی لوبنان وەک قەڵخانی مرۆیی بەکاردەهێنێت."
ئاماژەی بەوەشکردووە، "بوونی ئەو ئامێرانە و چالاکییەکانی حیزبوڵڵا لە ناوچەکەدا پێشێلکردنی ئەو لێکگەیشتنانەیە لەنێوان ئیسرائیل و لوبناندا هەن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ