هەڵەیەک روویدا! دووبارە هەوڵبدە
رووداو دیجیتاڵ
چەند سەگێکی بێلانە لە پارێزگای جۆلەمێرگی باکووری کوردستان پەلاماری کچێکی 12 ساڵان دەدەن و بەهۆیەوە گیان لەدەستدەدات.
رووداوەکە لە شارۆچکەی گەڤەر لە پارێزگەی جۆلەمێرگ روویداوە. منداڵەکە ناوی ئەسلەم تەکەری بووە. منداڵەکە بە تەنیا بە رێگەدا رۆشتووە و سەگ پەلاماری داوە و گیانی لەدەستداوە.
تیمەکانی پۆلیس و تەندروستی گەیشتنە شوێنی رووداوەکە. تیمەکانی تەندروستی کچەکەیان بە ئەمبوڵانس بۆ نەخۆشخانە گواستەوە.
پارێزگەی جۆلەمێرگ لە تۆڕی کۆمەڵایەتیی ئێکس رایگەیاند: ''تیمەکانی تەندروستی لە شوێنی رووداوەکە ئەوەیان دەستنیشانکرد کە کچەکە خوێنی زۆری لێ رۆیشتبوو و دڵی وەستابوو".
پارێزگەکە گوتیشی: "پارێزگەکەمان و سەرۆکایەتیی داواکاریی گشتیی شارۆچکەی گەڤەر لێکۆڵینەوە لە رووداوەکە دەکەن".
تەکەر دوای ئەنجامدانی توێکاری، لەلایەن کەسوکاریەوە بەخاکسپێردرا.
بەگوێرەی ئاماری وەزارەتی ناوخۆی تورکیا، لە حەوت مانگی سەرەتای پاردا 812 پەلاماردانی سەگ هەبوون و لە ئەنجامدا کەسێک گیانی لەدەستدابوو و 966 ـی دیکەش بریندار ببوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ