کریستیانە فەلەستینییەکان لە لوبنان
رووداو دیجیتاڵ
لە یەکێک لە کامپەکانی زەبیەی لوبنان، رێکخراوێکی مرۆیی ئاهەنگێکی کریسمس بۆ کریستیانانی فەلەستینی سازدەکات کە بەهۆی شەڕی ئیسرائیل و غەززەوە لە ئاهەنگەکانی سەری ساڵ دوورکەوتوونەتەوە.
ویسام قاسس، دانیشتوویەکی کامپەکەیە و دەڵێت، "ئەمە جوانترین پشووی ئێمەیە، یادی لە دایکبوونی پێشەوامان حەزرەتی عیسای مەسیحە. ئەم پشووە مانایەکی گرنگ هەڵدەگرێت، ئەمە پشووی خۆشەویستی و ئاشتییە. بەداخەوە، ئەم ساڵ شەڕ لە غەززە و خاکی ئێمە هەبوو لە فەلەستین. هەروەک دەزانن، منداڵان لە سیاسەت تێناگەن و ئەوان تەنیا دەیانەوێت هەموو کاتێک دڵخۆشبن."
ئەو رێکخراوە ئاهەنگەکەی بۆ منداڵانی 50 خێزان سازکردووە و دیارییان پێدەبەخشێت، زەهر عەبدولعاتی، کارمەند لە رێکخراوی منداڵانی خۆڕاگر لەبارەی ئاهەنگەکەوە گوتی، "خەڵکی فەلەستین حەزیان بە خۆشیی و ئاشتییە. ئێمە هاتووینەتە ئێرە بۆ ئەوەی دڵی ئەو منداڵانە خۆشبکەین. چونکە ئەمە بۆنەیەکی خۆشە، پیرۆزبایی لە کریستیانەکان دەکەین. هیوادارین باشبن و ببینین هەموو ساڵێک لە خۆشیدان. پشت بەخوا ئێمە لە فەلەستینیش ئەو ئاهەنگە دەگێڕین."
کامپەکە لە 1956 دروستکراوە و، نزیکەی دوو هەزار پەنابەری فەلەستینی، سووریایی و لوبنانی تێدا دەژین کە زۆربەیان کریستیانن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ