هەڵەیەک روویدا! دووبارە هەوڵبدە
رووداو دیجیتاڵ
محەممەد شیاع سوودانى، سەرۆکوەزیرانى عێراق هیواى خواست لەدواى هەڵبژاردنەوەى رەجەب تەیب ئەردۆغان بە سەرۆککۆمارى تورکیا پەیوەندییەکانى نێوان هەردوو وڵات گەشە بکات و بەرەو پێش بچێت. محەممەد حەلبووسی، سەرۆکى پەلەمانى عێراق-یش دەڵێت:"خواستمانە پەیوەندییەکان و هاریکارى نێوان هەردوو وڵات بەهێزتر بێت".
رۆژی 28ـى ئایارى 2023 ، محەممەد شیاع سوودانى، سەرۆکوەزیرانى عێراق لە راگەیێندراوێکدا پیرۆزبایی لە رەجەب تەیب ئەردۆغان کرد بەبۆنەى دووبارە هەڵبژاردنەوەى بە سەرۆککۆمارى تورکیا.
محەممەد شیاع سوودانى گوتى: "هیوادارین پەیوەندییەکانى نێوان عێراق و تورکیا گەشە بکەن و بەرەوپێش بچن و دۆستایەتى و هاریکاریی دوولایەنە بەردەوام بێت".
رەجەب تەیب ئەردۆغان، بەربژێری هاوپەیمانیی جمهوور جارێکی دیکە بە سەرۆککۆماری تورکیا هەڵبژێردرایەوە، کە لە دواى جیاکردنەوەی 99.85٪ـی دەنگەکان، ئەردۆغان، 52.2٪ـی دەنگەکانی بەدەستهێناو و کەمال کڵچدارئۆغڵو، بەربژێری هاوپەیمانیی میللـەت، کە رکابەرى بوو 47.8%ـی دەنگەکانی بەدەستهێنا.
محەممەد حەلبووسی، سەرۆکى پەرلەمانى عێراق لە تویتێکدا پیرۆزبایی لە رەجەب تەیب ئەردۆغان کرد و رایگەیاند، "خواستمانە پەیوەندى و هاریکارى نێوان هەردوولا بەهێزتر بێت لە هەموو بوارەکاندا."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ