رووداو دیجیتاڵ
باڵیۆزخانەی عێراق لە لوبنان بە رووداوی راگەیاند، پێنج لەو 20 گەنجەی لە لوبنان دەستبەسەرکرابوون، سبەی چوارشەممە لە رێگەی فڕۆکەخانەی بەیرووتەوە دەگەڕێندرێنەوە عێراق.
باڵیۆزخانەکە ئاماژەی بەوە کرد: "هەر سبەی 10 گەنجی دیکە لە شاری تەرابلووسی باشووری لوبنانەوە دەگوازرێنەوە بۆ بەیرووت و دەست دەکرێ بە راییکردنی مامەڵەکانیان بۆ گەڕاندنەوەیان بۆ عێراق. پڕۆسەکە بەردەوام دەبێ تاوەکو سەرجەمیان دەگەڕێنرێنەوە."
ئەو هاونیشتمانییانە سبەی کاژێر 17:30 لە فرۆکەخانەی بەیرووت دەفڕن و کاژێر 19:30 دەگەنە فڕۆکەخانەی بەغدا.
باڵیۆزخانەی عێراق لە لوبنان داوا لە گەنجان دەکات، "بە قاچاخچیەکانی نێو تۆڕە کۆمەڵایەتییەکان هەڵنەخەڵەتێن و پارە و چارەنووسی خۆیان نەخەنە دەستیانەوە."
رۆژی 17ی ئەم مانگە باڵیۆزخانەی عێراق لە لوبنان هەواڵی دەستبەسەرکردنی ئەو هاونیشتمانییانەی بە رووداو راگەیاند.
ئەو گەنجانە زیاتر خەڵکی هەولێر و سلێمانین و بەمەبەستی گەیشتن بە ئەورووپا چووبوونە لوبنان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ