رووداو دیجیتاڵ
سزای لەسێدارەدان و بەندکردنی تاهەتایی بەسەر 30 بازرگانی مادەی هۆشبەردا سەپێندرا.
رۆژی پێنجشەممە، 1ی ئابی 2024، بەڕێوەبەرایەتیی گشتیی کاروباری مادەی هۆشبەر و کارتێکەرە عەقڵییەکان رایگەیاند: "دوای کۆکردنەوەی گشت بەڵگە تایبەتەکان، دادگەی تاوانەکانی عێراق سزای لە سێدارەدانی بەسەر 13 کەس و سزای بەندکردنی تاهەتایی بەسەر 17 کەسی دیکەدا سەپاند، کە تۆمەتبار بوون بە بازرگانیکردن بە مادە هۆشبەرەکان."
14ـی تەممووزی 2024، عەمید میقداد میری، گوتەبێژی وەزارەتی ناوخۆی عێراق، لە کۆنفڕانسێکی رۆژنامەڤانیدا رایگەیاند: "لە ماوەی شەش مانگی یەکەمی ئەم ساڵ دەستبەسەر بڕی تۆنێک و 822 کیلۆگرام مادەی هۆشبەردا گیراوە و حەوت هەزار و 705 کەسیش بەو تۆمەتە دەستگیرکراون."
لەو ژمارەیە هەزار و 435 کەسیان بازرگان بوون، 147یشیان بازرگانی نێودەوڵەتی. لەو ماوەیەدا سزای لەسێدارەدان بۆ 72 کەس بەتۆمەتی مادەی هۆشبەر و 119 سزای زیندانیکردنی تاهەتایی دەرچووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ