دەرکەوتنی دوو ئەفسەرەکە لە لایڤی تیکتۆک.
رووداو دیجیتاڵ
وەزیری ناوخۆی عێراق، دوو ئەفسەر و رێگەپێدراوێکی پۆلیسیی رەسافە-ی شاری بەغدای لەسەر دەرکەوتن لە تیکتۆک گواستەوە بۆ سەر سنوور.
عەمید میقداد میری، گوتەبێژی وەزارەتی ناوخۆی عێراق، ئەمڕۆ دووشەممە، 02-09-2024، بە تۆڕی میدیایی رووداوی گوت: "بەهۆی دەرکەوتنیان لە راستەوخۆیەکی تۆڕی کۆمەڵایەتیی تیکتۆك، عەبدولئەمیر شەممەری، وەزیری ناوخۆی عێراق، دوو ئەفسەر و کارمەندێکی پۆلیسیی رەسافە-ی بەغدای سزاداوە و گواستوونیەتەوە بۆ سەر سنوور."
ئەم ئەفسەرانە، لە راستەخۆیەکی تۆڕی کۆمەڵایەتیی تیکتۆك دەرکەوتوون، ناو و پلەی خۆیان دەهێنن، کە موقەدەم ئەسعەد و ملازمی یەکەم موهەیمەنن، لەگەڵ رێپێدراوێکی پۆلیس بە ناوی حوسێن.
بەگوێرەی دیمەنەکان، حوسێن لە پشت هەردوو ئەفسەرەکەی پۆلیس وەستاوە، ناو و پلەی خۆیان دەهێنن. دواتریش ناوی عەبدولئەمیر شەممەری، وەزیری ناوخۆی عێراق دەهێنێ، هەموویان دەست بە پێکەنین دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ