رووداو دیجیتاڵ
رێبەری رەوتی سەدر سەرجەم بارەگا مەدەنییەکانی رەوتەکەی لە مانگەکانی رەجەب، شەعبان و رەمەزان دادەخات و دەڵێت، خەریکی خوداپەرستن دەبن.
رۆژی 3ی شوباتی 2024 موقتەدا سەدر، رێبەری رەوتی سەدر لە راگەیێندراوێکدا بڵاویکردەوە، "لە مانگە پیرۆزەکانی پەرستندا کە مانگی رەجەب، شەعبان و رەمەزانی پیرۆزە، پێویستە روو لە خوداپەرستی، نوێژ، تەوبەکردن بکرێت و واز لە دونیا بهێندرێت."
موقتەدا سەدر داوا دەکات، سەرجەم بارەگا مەدەنییەکانی رەوتەکەی دابخرێن تەنیا مەزارگە، مزگەوت، قوتابخانە و کارەکانی بنیان مەرسووس نەبێت.
بڕیارەکەی رێبەری رەوتی سەدر لایەنە چەکدارییەکەی رەوتەکەی ناگرێتەوە. هێزی چەکداریی رەوتی سەدر ناوی سەرایا سەلامە، کە لیواکانی 313 و 314ی حەشدی شەعبی پێکدەهێنن.
رێبەری رەوتی سەدر دوای ئەوەی لە هەڵبژاردنی ئۆکتۆبەری 2021دا بە بەدەستهێنانی 73 کورسی پەرلەمانی عێراق بوو بە هێزی یەکەم، لە 15ـی حوزەیرانی 2022دا کشانەوەی لە پڕۆسەی سیاسی راگەیاند و لەو کاتەوە جار جار داوای خۆپێشاندان و نوێژی یەکگرتوویی دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ