رووداو دیجیتاڵ
کەشناسی و بوومەلەرزەزانیی عێراق رایگەیاند، مانگی رابردوو 54 بوومەلەرزەیان تۆمارکردوون، کە 12یان لە هەرێمی کوردستان بوون.
عامر جابری، بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق رۆژی پێنجشەممە، 3ـی تەمموزی 2025، بە تۆڕی میدیایی رووداوی راگەیاند، لەو 12 بوومەلەرزانە، 4 بوومەلەرزەیان لە سنووری دەربەندیخان و کەلار، 4 بوومەلەرزەیان لە سنووری زاخۆ، سێمێل و ئامێدی، سێ بوومەلەرزەیان لە خانەقین و کفری و ئەوەی دیکەشیان لە شێخان تۆمارکراوە.
بە گوتەی عامر جابری، جگە لەو 54 بوومەلەرزەیە، هەر لە مانگی رابردوودا 26 بوومەلەرزە لە نزیک سنووری عێراق و هەرێمی کوردستان لەنێو خاکی ئێران و رۆژهەڵاتی کوردستان، 16 بوومەلەرزەش لەنێو خاکی تورکیا و باکووری کوردستان تۆمارکراون.
لەبارەی گوڕی بوومەلەرزەکانیش، بەڕێوەبەری راگەیاندن و پەیوەندییەکانی دەستەی کەشناسی و بوومەلەرزەزانیی عێراق دەڵێ: گوڕەکانیان لە نێوان 1.1 تاوەکو 4.4 بووە، بەڵام زیانی گیانیان نەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ