هەڵەیەک روویدا! دووبارە هەوڵبدە
رووداو دیجیتاڵ
هێزە ئەمنییەکان لە بەغدا کەسێکیان دەستگیر کرد کە مۆرى پزیشکیى یەکێک لە نەخۆشخانەکانى ساختە کردووە و دەرمانى هۆشبەرى پێ وەرگرتووە.
وەزارەتى ناوخۆى عێراق لە راگەیێندراوێکدا ئاشکرای کرد، پۆلیسی رەسافەى بەغدا و ئاژانسى هەواڵگریى سەر بەو وەزارەتە کەسێکیان دەستگیر کردووە، کە مۆرى پزیشکێکى ساختە کردووە.
بەگوێرەى راگەیێندراوەکە، ئەو مۆرە ساختەکراوە هى پزیشکێکى نەخۆشخانەى کیندى بەغدا بووە و تۆمەتبارەکە ئەو مۆرەى بەکارهێناوە بۆ وەرگرتنى دەرمان. لەکاتى دەستگیرکردنیدا چەند دەرمانێکى هۆشبەرى پێبووە.
بەگوێرەى مادەى 289ى یاسای سزادانى عێراق سزاى ساختەکردنى نووسراوى فەرمى دەگاتە 15 ساڵ بەندکردن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ