هەڵەیەک روویدا! دووبارە هەوڵبدە
رووداو دیجیتاڵ
نوورى مالیکى، سەرۆکى هاوپەیمانیى دەوڵەتى یاسا رایگەیاند: "گرنگە سەرجەم کێشە هەڵپەسێردراوەکانى نێوان هەولێر و بەغدا بە رێگەى دیالۆگ چارەسەر بکرێت لە پێناو پارێزگاریکردن لە سەقامگیریى دۆخى سیاسی."
ئەو گوتانەى نوورى مالیکى لە دیدارێکیدا بوو لەگەڵ فوئاد حوسێن وەزیرى دەرەوە و جێگرى سەرۆکوەزیرانى عێراق کە ئەمڕۆ پێنجشەممە، 5ى حوزەیران لە بەغدا ئەنجامدرا.
بە گوێرەى نووسینگەى رۆژنامەڤانیى سەرۆکى هاوپەیمانیى دەوڵەتى یاسا، لەو کۆبوونەوەیەدا تاوتوێى پێشهاتە سیاسی و ئەمنییەکانى ناوچەکە و گرنگیى بەهێزکردنى رۆڵى عێراق و پرسەکانى پەیوەست بە پەیوەندى نێوان حکومەتى فیدراڵ و هەرێمى کوردستان کراوە.
لە راگەیێندراوەکەدا هاتووە: "سەرۆکى هاوپەیمانى دەوڵەتى یاسا جەختى لە گرنگیى چارەسەرکردنى کێشە هەڵپەسێراوەکان کردووتەوە لە نێوان هەولێر و بەغدا بەرێگەى دیالۆگ لە پێناو پارێزگاریکردن لە سەقامگیریى دۆخى سیاسی و دۆزینەوەى تێڕوانینێکى هاوبەش کە سەرجەم هێزە سیاسییەکان لەسەرى کۆکبن و بناخە بۆ قۆناخێکى نوێ دابڕێژێت کە بنەماکەى سەقامگیرى سیاسی و ئەمنى بێت.
ئەو هەڵوێستەى نورى مالیکى لە دواى ئەوە هات کە وەزارەتى دارایی فیدراڵ مووچەى مانگى ئایارى فەرمانبەرانى هەرێمى کوردستانی نەنارد بە پاساوى رادەستنەکردنى تەواوى داهاتى نەوتى و نانەوتى و نەمانى نەختینەى پشکى هەرێمى کوردستان لە بودجەى گشتى.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ