هەڵەیەک روویدا! دووبارە هەوڵبدە
رووداو دیجیتاڵ
بە درۆن هێرشکرایە سەر کێڵگەیەکی نەوت لە بەسرە و بەگوێرەی سەرچاوەیەکی ئەمنی، ئاگر لە کێڵگەکە کەوتووەتەوە.
بەگوێرەی گوتەی دوو سەرچاوەی باڵای ئەمنیی بەسرە کە قسەیان بۆ رووداو کردووە، هێرشەکە شەوی هەینی 6ی ئاداری 2026، کراوەتە سەر کێڵگەی "رومێڵەی باکوور."
کێڵگەی رومێڵەی باکوور 50 کیلۆمەتر لە باشووری ناوەندی پارێزگای بەسرەوە دوورە و لەگەڵ کێڵگەی رومێڵەی باشوور، نزیکەی 17 ملیار بەرمیل نەوتی یەدەگیان هەیە.
یەکێک لە سەرچاوەکانی رووداو گوتی، "درۆنەکە نەخراوەتە خوارەوە و لەناو کێڵگەکەدا کەوتووەتەوە و بووەتە هۆی کەوتنەوەی ئاگر."
لەدوای دەستپێکردنی هێرشەکانی ئەمریکا و ئیسرائیل بۆ سەر ئێران لە 28ی شوبات دا، ئەوە سێیەمجارە کێڵگەی نەوتی رومێڵە لەلایەن گرووپە چەکدارەکانەوە بە درۆن دەکرێتە ئامانج، کە کۆمپانیا بیانییەکان بە هاوبەشی لەگەڵ کۆمپانیای نەوتی بەسرە کاری تێدا دەکەن.
![عەلی زەیدی [لای چەپ] و تۆم باراک.](https://www.rudaw.net/s3/rudaw.net/ContentFiles/954985Image1.jpg?mode=crop&quality=70&rand=1&scale=both&w=362&h=226&version=8734598 "عەلی زەیدی [لای چەپ] و تۆم باراک.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ