رووداو دیجیتاڵ
عەلی سیستانی، مەرجەعی باڵای شیعەکانی عێراق دەڵێت، سبەی چوارشەممە یەکەم رۆژی جەژنی رەمەزانە، بەوەش ئەمساڵ شیعە و سوننە لە عێراق پێکەوە جەژن دەکەن.
ئێوارەی ئەمڕۆ سێشەممە 9ی نیسانی 2024، نووسینگەی عەلی سیستانی، مەرجەعی باڵای شیعەکانی عێراق لە راگەیێندراوێکدا بڵاویکردەوە، "مانگ بینراوە؛ بۆیە سبەی چوارشەممە یەکەم رۆژی جەژنی رەمەزان و یەکەم رۆژی مانگی شەوالی ساڵی 1445ی کۆچییە".
ئەمڕۆ سێشەممە دوایین رۆژی مانگی رەمەزان بوو.
هەرێمی کوردستان و سوننەکانی عێراق ئێوارەی دوێنێ دووشەممە 8ی نیسانی 2024 رایانگەیاند، رۆژی سێشەممە تەواوکەری مانگی رەمەزانە و چوارشەممە 10-4-2024 دەبێتە یەکەم رۆژی جەژنی رەمەزان.
ئەمساڵ هەرێمی کوردستان و سوننەکانی عێراق 30 رۆژی مانگی رەمەزانیان گرت، بەڵام شیعەکان 29 رۆژیان گرت، بەڵام سوننە و شیعە پێکەوە کردیانە جەژن کە لە زۆربەی جەژنەکاندا ئەمە کەمتر بەدی دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ