رووداو دیجیتاڵ
بارەگایەکی حەشدی هۆزەکان کە عەرەبی سوننەن، لە پارێزگای ئەنبار بۆردوومان کرا.
شێخ عەبدوڵڵا جغێفی، راوێژکاری فالح فەییاز، سەرۆکی دەستەی حەشدی شەعبی بۆ کاروباری ئەنبار بە تۆڕی میدیایی رووداوی گوت، "ئەمشەو بە درۆن هێرش کراوەتە سەر بارەگای شێخ مەندول سەتم جغێفی لە ناوچەی جبات."
جبات دەکەوێتە رۆژئاوای شارۆچکەی راوە لە بیابانی ئەنبار لە رۆژئاوای عێراق.
شێخ عەبدوڵڵا جغێفی گوتی، درۆنەکە نارنجۆکی هەڵگرتبوو و لەنێو پەرژینی بارەگاکەدا کەوتووەتە خوارەوە، بەڵام زیانی گیانی نەبووە.
سەبارەت بە سەرچاوەی ئەو هێرشە، بە گوتەی راوێژکارەکەی فالح فەییاز، "سەرچاوەکەی نادیارە؛ نازانین داعش بووە یان هێز و وڵاتی دیکە."
بەڵام ئەو هێزەی شێخ مەندول سەتم جغێفی لە راگەیێندراوێکدا دەڵێت، "داعش هێرشەکەی کردووە."
هێزی شێخ مەندول سەتم جغێفی سەر بە لیوای 57ی حەشدی هۆزەکانە، کە سەر بە فەرماندەیی حەشدی ئەنبارە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ