رووداو دیجیتاڵ
ئێوارەی ئەمڕۆ دووشەممە، لە زیقار شەڕ و پێکدادان لە نێوان دوو بنەماڵەی سەر بە یەک هۆز روویداوە و بەهۆیەوە حەوت کەس کوژران و شەش کەسیش بریندار بوون.
سەرچاوەیەک لە تەندروستیی پارێزگای زیقار بە تۆڕی میدیایی رووداوی راگەیاند، شەڕەکە لە قەزای جبایشی پارێزگای زیقار لە نێوان دوو بنەماڵەی هۆزی "شغانبە" روویداوە و تائێستا 7 کەس کوژراون و شەش کەسیش بریندارن.
سەرچاوەکە روونیکردەوە، ئەوان لە بنەڕەتدا خەڵکی پارێزگای بەسرەن، بنەماڵەیەکیان وەک تۆڵەکردنەوە هاتوون و سێ کەسی بنەماڵەکەی دیکەیان کووشتوە، دواتر بنەماڵەی کوژراوەکە دوایانکەوتوون و 4 کەسیان لێ کوشتوون.
بەپێی ئەو سەرچاوەیە، گرژی و ئاڵۆزی لە ناوچەکە بەردەوامە، ئەگەری پێکدادانی دیکە دەکرێت. هێزە ئەمنییەکان گەیشتوونەتە ناوچەکە و هەوڵی کۆنترۆڵکردنی دۆخەکە دەدەن.
رووداوەکە دوای ئەوە دێت، چەند هەفتەیەک لەمەوبەر مامۆستایەک کوژرا، ئەوانیش هاتوون تۆڵەی خۆیان بکەنەوە، شەڕەکە لە ناوچەی ئەلبوجولانە لە زۆنگاوەکانی جبایش لەوپەڕی باشووری پارێزگای زیقار.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ