رووداو دیجیتاڵ
محەممەد شیاع سوودانی، سەرۆکوەزیرانی عێراق بڕیاری دا لە هەڵبژاردنی پەرلەمانی بەشداری بکات و دەڵێت، "خۆم بۆ پۆستی سەرۆکوەزیران بەربژێر دەکەمەوە."
کۆمیسیۆنی باڵای سەربەخۆی هەڵبژاردنەکانی عێراق بڕیاری داوە 11-11-2025 هەڵبژاردنی پەرلەمانی بەڕێوەبچێت.
محەممەد شیاع سوودانی لە گفتوگۆیەکی تایبەتدا لە دیداری سلێمانی، باسی لە هەڵبژاردنی داهاتووی پەرلەمانی عێراق کرد و رایگەیاند، "بەدڵنیاییەوە خۆم هەڵدەبژێرمەوە".
ئاماژەی بەوەش کرد، حکومەت پابەندە بە بەڕێوەچوونی هەڵبژاردن لەکاتی خۆیدا و هەموو پێویستییەکانی ئەو هەڵبژاردنەش دابین دەکات.
سوودانی نەیشاردەوە گەندەڵی هەیە و گوتی، "ئەم کابینەیە توانی پەیامی ئەرێنی بگەیێنیت بە گەلی عێراق کە پڕۆژەی چاکسازی هەیە و دەکرێت سەرکەوتوو بێت. خۆمان بۆ پڕۆژەیەکی سیاسیی تەواوکار ئامادەکردووە و دەستکەوت و ئامانجمان هەیە".
نوێدەکرێتەوە...
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ