هەڵەیەک روویدا! دووبارە هەوڵبدە
رووداو دیجیتاڵ
بەرپرسی راگەیاندنى ئۆفیسی کەرکووکی کۆمیسیۆنى باڵاى سەربەخۆى ھەڵبژاردنەکانى عێراق رایگەیاند، بە بڕیارى کۆمیسیۆن دەستکراوە بە دابەشکردنى کارتى دەنگدان بە هەزاران دەنگدەر لە هاووڵاتییان و هێزى ئەمنى سەردانى ئۆفیسەکەیان دەکەن بۆ وەرگرتنەوى ئەو کارتانە.
16ى کانوونى یەکەمى 2023، عەبدولباست دەروێش، بەرپرسی راگەیاندنى ئۆفیسی کەرکووکی کۆمیسیۆنى باڵاى سەربەخۆى ھەڵبژاردنەکانى عێراق بە تۆڕى میدیایی رووداوى راگەیاند: "بە بڕیارى کۆمیسیۆن بەردەوام دەبین لە دابەشکردنى کارتى ئەلیکترۆنیی دەنگدان بۆ ئەو کەسانەى کە وەریان نەگرتووەتەوە و گوشارێکى زۆر لەسەریان دروست بووە بەهۆى قەرەباڵخى سەر ناوەندى سەرەکى بۆ وەرگرتنەوەى ئەو کارتانە."
عەبدولباست دەروێش گوتیشى: "بە هەزاران دەنگدەر کارتى دەنگدانیان وەرنەگرتووەتەوە لە هاووڵاتى و کارمەندانى هێزە ئەمنیەکان و سەردانى ئۆفیسی کۆمیسیۆن دەکەن بۆ وەرگرتنەوەى، کارمەندانى دەزگا ئەمنیەکان دەیانەوێت ئەمڕۆ کارتەکانیان وەربگرنەوە و دەنگبدەن و هاووڵاتییانیش دەیانەوێت بۆ 18ى مانگ بتوانن دەنگ بدەن."
ئەمڕۆ شەممە دەنگدانى تایبەت بۆ هەڵبژاردنى ئەنجوومەنى پارێزگاکان لە عێراق دەستی پێکرد کە زیاتر لە یەک ملیۆن کەس مافى دەنگدانیان هەبوو بۆ دەنگدانى تایبەت و لە سنوورى کەرکووک 57 هەزار و 330 دەنگدەرى تایبەت هەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ