هەڵەیەک روویدا! دووبارە هەوڵبدە
رووداو دیجیتاڵ
وەزارەتی ناوخۆی عێراق رایگەیاند، بە هاوئاهەنگیی ئەمنی لەگەڵ کۆماری ئیسلامیی ئێران، لە شارێکى ئەو وڵاتە دەستیان بەسەر 65 کیلۆگرام مادەی هۆشبەردا گرتووە و تۆمەتبارێکیان دەستگیرکردووە.
ئەو وەزارەتە لە راگەیێندراوێکدا وردەکاریی ئەو ئۆپەراسیۆنەی ئاشکرا کردووە کە ئەمڕۆ پێنجشەممە، 18ی کانوونی یەکەمی 2025 بڵاویکردووەتەوە.
وەزارەتی ناوخۆی عێراق رایگەیاند، ئەو ئۆپەراسیۆنە بە هاوئاهەنگیی ئەمنیی نێودەوڵەتی لەگەڵ لایەنی ئێرانی لە شاری عەبادانی ئەو وڵاتە ئەنجام دراوە.
شاری عەبادان لە سنووری پارێزگای خوزستانی کۆماری ئیسلامیی ئێرانە کە هاوسنووری پارێزگای بەسرەی باشووری عێراقە.
وەزارەتی ناوخۆی عێراق ئەو 64 کیلۆ هۆشبەرەی بە مەترسیدار وەسفکردووە و یەکەی بنەبڕکردنی مادەی هۆشبەری ئێران لەو ئۆپەراسیۆنەدا هاوکارییان بوون.
بەگوێرەی ئامارە فەرمییەکانی عێراق، لە 9 مانگی یەکەمی ئەم ساڵدا دەست بەسەر نزیکەی 9 تۆن مادەی هۆشبەری جۆراوجۆردا گیراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ