رووداو دیجیتاڵ
وەزارەتی ناوخۆی عێراق رایگەیاند، کاژێر 6:45ی ئێوارەی ئەمڕۆ شەممە، پێنج منداڵ لە گەڕەکی جەمعیە لە قەزای دوجەیل، لە سنووری سامەڕا، بەهۆی کەوتنەخوارەوەی "تەنێکی نامۆ"وە بریندار بوون.
وەزارەتی ناوخۆی عێراق، ئاماژەی بەوە نەکردووە کە تەنەکە چییە و دەڵێت: "لە رێگەی بەدواداچوونی کامێراکانی چاودێرییەوە دەرکەوتووە کە ئەو منداڵانە لەکاتێکدا لەبەردەم ماڵەکانیان بوون، بەهۆی پڕیشکی تەنەکە و وردەبەردەوە بریندار بوون."
منداڵە بریندارەکان گواستراونەتەوە بۆ نەخۆشخانە بۆ وەرگرتنی چارەسەر. وەزارەتی ناوخۆی عێراق دەڵێت: برینەکانیان سووک بووە و دوای وەرگرتنی چارەسەر لەلایەن تیمە پزیشکییەکانەوە، نەخۆشخانەیان جێهێشتووە.
هاوکات، هێزە ئەمنییەکان گەیشتوونەتە شوێنی رووداوەکە بۆ ئاگاداربوون لە هەموو وردەکارییەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ