رووداو دیجیتاڵ
دەستەی دەروازە سنوورییەکانی عێراق رایگەیاند، کەسێک بەناوی سەرۆکی دەستەکەوە خۆی دەناسێنێت و پەیوەندی بە هاووڵاتییانەوە کردووە، رێکاری یاسایی لە دژی گیراوەتەبەر.
هەینی 21ی تشرینی یەکەمی 2025 عەلائەدین قەیسی، گوتەبێژی دەستەی دەروازە سنوورییەکانی عێراق بە تۆڕی میدیایی رووداوی راگەیاند، "ئەو کەسە خۆی وەکو عومەر وائیلی، سەرۆکی دەستەی دەروازە سنوورییەکان دەناسێنێت و لە رێگەی تۆڕە کۆمەڵایەتییەکانەوە و بە بەکارهێنانی ژمارە تەلەفۆنێک پەیوەندی بە هاووڵاتییانەوە دەکات."
بەپێی گوتەی گوتەبێژی دەستەکە، 07751110113 ئەو ژمارە تەلەفۆنەیە کە گوایە ئەو کەسە بەکاریدەهێنێت، عەلائەدین قەیسی گوتى، "ئەو ژمارە تەلەفۆنە نافەرمییە."
عومەر وائیلی، سەرۆکی دەستەی دەروازە سنوورییەکانی عێراقە کە دەستەکەى سەر بە ئەنجوومەنی وەزیرانی عێراقە و راستەوخۆ سەرپەرشتیکردنی لایەنی ئەمنیی سەرجەم دەروازە سنوورییەکان دەکات.
گوتەبێژی دەستەکە رایگەیاند، رێکاری یاساییان دژی ئەو کەسە گرتووەتەبەر، کە خۆی وەک سەرۆکی دەستەکە دەناسێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ