رووداو دیجیتاڵ
عەتەبەی عەباسی لە کەربەلا دەستپێکردنی کەمپەینێکی فراوانی بۆ کۆکردنەوەی هاوکاری و پاڵپشتی بۆ خەڵکی ئێران و لوبنان راگەیاند.
بەگوێرەی راگەیێندراوی عەتەبەی عەباسی، ئەم هەنگاوە لەسەر بنەمای رێنوێنییەکانی ئەحمەد سافی، نوێنەری مەرجەعیەتی باڵای ئایینییە و "لە چوارچێوەی هەوڵەکانە بۆ چەسپاندنی بەهاکانی هاوسۆزیی مرۆیی و بەهێزکردنی گیانی هاوکاری لەنێوان گەلانی ئیسلامی".
وەک لە راگەیێندراوەکەدا هاتووە: "مەرجەعیەتی باڵای ئایینی لە گوتاری نوێژی جەژن لە کەربەلا، داوای لە باوەڕداران کرد کە لەم دۆخە سەختەدا و لەگەڵ زیادبوونی نەهامەتییەکان و پێویستیی ئاوارە و لێقەوماوان، دەستی یارمەتی بۆ زیانلێکەوتووان درێژ بکەن."
عەتەبەی عەباسی رایگەیاندووە، مەرجەعیەت رێگەی داوە بە بەکارهێنانی مافە رەواکان بە مەبەستی کەمکردنەوەی ئازار و مەینەتییەکانی زیانلێکەوتووان لە هەردوو وڵاتی ئێران و لوبنان.
لە 28ی مانگی رابردووەوە شەڕی ئەمریکا و ئیسرائیل لەگەڵ ئێران دەستیپێکردووە و 2ی ئەم مانگەیشەوە شەڕ لەنێوان ئیسرائیل و حیزبوڵڵای لوبنانی هەڵگیرساوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ