هەڵەیەک روویدا! دووبارە هەوڵبدە
رووداو دیجیتاڵ
دادگەى باڵاى تاوانەکانى عێراق بڕیارى سزاى لەسێدارەدانى بۆ بەرپرسێکى پێشووى حیزبى بەعس دەرکرد، بە تاوانى کوشتنى 198 کەس لە دانیشتووانى شارى بەلەد.
ئەمڕۆ پێنجشەممە 22ى ئایارى 2025 ئەنجوومەنى باڵاى دادوەریى عێراق وردەکاریى ئەو بڕیارەى بڵاوکردەوە و دەڵێت، خەیروڵڵا حەمادى ئەو بەرپرسەى حیزبى بەعسە کە لەسەر ئەو رووداوە سزاى لەسێدارەدانى بۆ دەرکرا.
ساڵى 1981 زیاتر لە 198 کەس لە دانیشتووانى شارى بەلەد کە ئێستا قەزایە لە سنوورى پارێزگاى سەلاحەددین، لەلایەن دەزگا ئەمنییەکانى دەسەڵاتى پێشووى حیزبى بەعس بە تاوانى ئەندامێتیى حیزبى دەعوە کوژران.
ئەوکات خەیروڵڵا حەمادى، بەڕێوەبەرى ئەمنیى بەلەد بووە، تۆمەتبار کراوە بەوەى بەشدار بووە لە کوشتنى ئەو هاووڵاتییانە و شاردنەوەى تەرمەکانیان لە گۆڕى بەکۆمەڵدا.
رۆژی 26ى کانوونى یەکەمى 2025 دەزگاى ئاسایشى نیشتمانیى عێراق دانپێدانانى خەیروڵڵا حەمادى بڵاوکردەوە، کە لەلایەن دەزگاکەوە دەستگیر کرا.
سزاى لەسێدارەدانەکە لە دژى خەیروڵڵا حەمادى بە پشتبەستن بووە بە چەند بڕگەیەکى مادەى 421ى یاساى سزادانى عێراقی، کە تایبەتن بە هەڕەشەى کوشتن و ئەشکەنجەدان و دەستگیرکردن و تاوانکردن بە ئامانجى تۆڵەسەندنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ