رووداو دیجیتاڵ
حکومەتی عێراق لە راگەیێندراوێکدا نیگەرانیی قووڵی خۆی دەربڕی و هێرشکردنە سەر دامەزراوە ئەتۆمییەکانی نێو خاکی کۆماری ئیسلامیی ئێرانی سەرکۆنە کرد و رایگەیاند، ئەو پەرەسەندنە سەربازییە "هەڕەشەیەکی مەترسیدارە بۆ سەر ئاسایش و ئاشتی لە رۆژهەڵاتی نێوەڕاست."
لە راگەیێندراوەکەدا، کە ئەمڕۆ یەکشەممە 22ی حوزەیرانی 2025 باسم عەوادی، گوتەبێژی حکومەتی عێراق بڵاویکردووەتەوە، هاتووە: "عێراق بەتەواوی بەکارهێنانی هێز لە پەیوەندییە نێودەوڵەتییەکان رەتدەکاتەوە و داوای رێزگرتن لە سەروەریی وڵاتان و هێرشنەکردنە سەر دامەزراوە گرنگەکانی دەکات، بەتایبەتی ئەوانەی لەژێر چاودێریی ئاژانسی نێودەوڵەتیی وزەی ئەتۆمدان و بۆ مەبەستی ئاشتییانە بەکاردەهێندرێن."
حکومەتی عێراق جەختی لەوە کردووەتەوە "چارەسەری سەربازی ناتوانێت جێگرەوەی دیالۆگ و دیپلۆماسی بێت" هەروەها پێیوایە، "بەردەوامبوونی ئەم هێرشانە دەبێتە هۆی پەرەسەندنێکی مەترسیدار کە دەرەنجامەکانی سنووری هەموو وڵاتێک تێدەپەڕێنێت و کاریگەری لەسەر سەقامگیریی ناوچەکە و جیهان دەبێت."
گوتەبێژی حکومەتی عێراق دەڵێت، "جەنگەکان جگە لە وێرانکاری شتێکی دیکە بەجێناهێڵن و پێویستە بەرپرسیارێتیی هێزە گەورەکان و رێکخراوە نەتەوەییەکان لەسەر دوورخستنەوەی جیهان بێت لە قەیرانی زیاتر، نەک هەڵگیرساندنی."
@rudaw.official ئێران بە دەیان مووشەک هێرشی کردە سەر ئیسرائیل و یەکێک لە مووشەکەکان لەنێو حەیفا دەدات
♬ original sound - Rudaw
حکومەتی عێراقدا داوای هێورکردنەوەی دەستبەجێ و کردنەوەی کەناڵی دیپلۆماسیی بەپەلە دەکات بۆ کۆنترۆڵکردنی دۆخەکە و کارکردن بۆ دامرکاندنەوەی قەیرانەکە، بە شێوەیەک کە ئاسایشی هاوبەش بپارێزرێت و رێز لە یاسای نێودەوڵەتی و گەڵاڵەنامەی نەتەوە یەکگرتووەکان بگیرێت."
بەرەبەیانی رۆژی یەکشەممە، 22ی حوزەیرانی 2025، ئەمریکا لە رێگەی فرۆکەی جەنگی پێشکەتوو ناسراو بە فرۆکەی تارمایی بی 52 و بە بۆمبی حەشارشکێنی GBU-57 و، شەش بۆمبی لەو سێ دامەزراوەیە داوە و بەگوتەی ترەمپ زیانی گەورەی پێگەیاندوون.
@rudaw.official دۆناڵد ترەمپ بەم شێوەیە هاتە پێش کامێرا و رایگەیاند، لە بنکە ئەتۆمییەکانی ئێرانیان داوە
♬ original sound - Rudaw
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ