هەڵەیەک روویدا! دووبارە هەوڵبدە
رووداو دیجیتاڵ
پۆلیسی عێراق کەسێکیان لە پارێزگاى بابل دەستگیرکردووە کە نۆ ملیۆن دینارى ساختەى پێ بووە.
وەزارەتى ناوخۆى عێراق لە راگەیێندراوێکدا ئاشکرایکرد، ئاژانسى هەواڵگرى و لێکۆڵینەکانى فیدراڵی سەر بەو وەزارەتە توانیویانە ئەو کەسە دەستگیر بکەن، لە دواى ئەوەى لە پارێزگاى بەسرەوە پەلکێشی پارێزگاى بابل کراوە.
بەگوێرەى راگەیێندراوەکە، ئەو نۆ ملیۆن دینارەی، کە ئەو کەسە ساختەى کردووە، لە جۆرەکانى 25 هەزارى و 50 هەزار دیناری بووە. دوای دەستگیرکردنی، تۆمەتبەرەکە رادەستى دادگە کراوە بۆ گرتنەرى رێوشوێنى یاسایی لەدژى.
بەگوێرەى یاساى ژمارە 56ى بانکى ناوەندیى عێراق، کە لە ساڵى 2004 دەرکراوە، سزای ئەوانەی پارەی ساختەیان پێدەگیرێت، بەندکردنە، کە لە پێنج ساڵ زیاتر نەبێت، لەگەڵ پێبژاردنێک، کە لە 50 ملیۆن دینار زیاتر نەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ