هەڵەیەک روویدا! دووبارە هەوڵبدە
رووداو دیجیتاڵ
ئەندامێکی دادگەی فیدراڵیی عێراق بە رووداوی راگەیاند، ئەمڕۆ جاسم عمێری، سەرۆکی دادگەی فیدراڵیی عێراق بە فەرمی داوای خانەنشینبوونی کردووە.
بە گوتەی ئەو ئەندامەی دادگەی فیدراڵیی عێراق، سەرۆکی دادگە دەست لەکار کێشانەوەی پێشکێش نەکردووە وەک ئەوەی لە هەندێک میدیا بڵاوکراوەتەوە، بەڵکو داوای خانەنشینبوونی کردووە.
جاسم محەممەد عەبوود عمێری تەمەنی 61 ساڵە، لە ساڵی 2021 بە دەنگدانی ئەنجوومەنی نوێنەرانی عێراق کرایە سەرۆکی دادگەی فیدراڵیی عێراق.
پێشتر 6 ئەندامی سەرەکی و سێ ئەندامی یەدەگی ئەو دادگەیە دەست لەکار کێشانەوەیان پێشکێش کرد، بەڵام تاوەکو ئێستا دەست لەکار کێشانەوەیان قبووڵ نەکراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ