رووداو دیجیتاڵ
دادگەی تاوانەکانی کەرخ، سزای زیندانیکردنی تاهەتایی بەسەر کەسێکدا سەپاند کە بەگوێرەی دادگەکە، لە تۆڕە کۆمەڵایەتییەکاندا "بانگەشەی بۆ قەوارەی زایۆنی کردووە."
دادگەکە لە راگەیێندراوێکدا ئاماژەی بەوەش کردووە، "تاوانبار بانگەشەی بۆ بیر و هەڵسوکەوتەکانی قەوارەی زایۆنی کردووە، لە رێگەی پۆستەکانیەوە لە فەیسبووک." هەروەها، پاڵپشتیی بۆ دروستکردنی پەیوەندی کردووە لەگەڵ ئیسرائیل، لە رێگەی بڵاوکردنەوەی وێنە و ڤیدیۆ.
بەگوێرەی دادگەی تاوانەکانی کەرخ، لە ماڵی کەسی سزادراو، دەستگیراوە بەسەر "چەندین کتێب و رۆژنامە کە بە زمانی عیبری بوون."
لە راگەیێندراوی دادگەکەدا ئەوەش خراوەتەڕوو، "سزاکە بەگوێرەی مادەی 7ی یاسای بە تاواندانانی دروستکردنی پەیوەندی لەگەڵ قەوارەی زایۆنی بووە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ