هەڵەیەک روویدا! دووبارە هەوڵبدە
رووداو دیجیتاڵ
ئەنجوومەنی پارێزگای زیقار بە زۆرینەی دەنگ، دەستلەکارکێشانەوەی پارێزگاری پەسند کرد و پارێزگارێکی نوێی هەڵبژارد.
چوارشەممە 24ی کانوونی یەکەمی 2025، ئەحمەد ئیبراهیمی، ئەندام و گوتەبێژی ئەنجوومەنی پارێزگای زیقار بە تۆڕی میدیایی رووداوی راگەیاند: ئەنجوومەنی پارێزگا بە زۆرینەی دەنگ داوای دەستلەکارکێشانەوەی مورتەزا ئیبراهیمی، پارێزگاری پەسند کرد و دەنگی دا بە دەستبەکاربوونی هەیسەم عەزیز وەک پارێزگاری نوێ.
ئەو هەنگاوە بەهۆی ئەوە بوو کە مورتەزا ئیبراهیمی وەک بەربژێری لیستی هاوپەیمانیی هێزەکانی دەوڵەتی نیشتمانی لە هەڵبژاردنی پەرلەمانی عێراق، شەش هەزار و 306 دەنگی بەدەستهێنا و بووە پەرلەمانتاری عێراق.
ئەحمەد ئیبراهیمی رایگەیاند، پارێزگاری نوێ لە هەمان لیستی پارێزگاری پێشووە و پێشتر قایمقامی قەزای سوق شیوخ بووە.
هاوپەیمانیی هێزەکانی بەڕێوەبردنی دەوڵەت لە هەڵبژاردنی ئەنجوومەنی پارێزگاکانی عێراق لە ساڵی 2023، دوو کورسی لە کۆی 17 کورسییەکەی ئەنجوومەن لەو پارێزگایە بەدەستهێنابوو.
29ی کانوونی یەکەم خولی شەشەمی پەرلەمانی عێراق یەکەم کۆدەبێتەوە و سەرۆک و جێگرانی پەرلەمان هەڵدەبژێردرێن و ئەندامە نوێیەکانیش سوێندی یاسایی دەخۆن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ