رووداو دیجیتاڵ
پۆلیسی پارێزگای دیالە رایگەیاند، ئەمڕۆ شەممە، کوڕی بەڕێوەبەری پێشووی سەرچاوەکانی ئاوی دیالە، دوای هەفتەیەک لە کوشتنی باوکی، خۆیشی کوشتووە.
عەمید هەیسەم سەلمان، گوتەبێژی پۆلیسی پارێزگای دیالە، رۆژی شەممە، 27-12-2025، بە تۆڕی میدیایی رووداوی راگەیاند: "باقر هاشم زەینی، کوڕی بەڕێوەبەری پێشووی سەرچاوەکانی ئاوی دیالە، لە ماڵی باپیریدا خۆی خنکاندووە."
گوتەبێژی پۆلیسی دیالە گوتیشی، "خۆکوشتنی ئەو گەنجە دوای ئەوە دێت، کە چەند رۆژێک پێشتر بە هەڵە گولـلەیەکی بە باوکییەوە ناوە و بەهۆیەوە هاشم زەینی، بەڕێوەبەری پێشووی سەرچاوەکانی ئاوی شارەبان، گیانی لەدەستدابوو."
بەگوتەی گوتەبێژی پۆلیسی دیالە، "گەنجەکە تەمەنی 18 ساڵ بوو، نەخۆشیی دەروونی هەبووە و لەهەمان کاتدا شێرپەنجەی هەبووە."
هاشم زەینی، بەڕێوەبەری پێشووی سەرچاوەکانی ئاوی شارەبان، رۆژی یەکشەممە، 21-12-2025، لەلایەن کوڕەکەیەوە بە دەمانچە کوژرا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ